أنت تسأل والرئيس يُجيب.. رحمه: «ايه أكتر حاجه بتفرحك؟».. والسيسي:«وجودي معاكم»

قدم الإعلامي إبراهيم فايق، فقرة "اسأل الرئيس" خلال حفل "قادرون باختلاف"  بحضور الرئيس عبدالفتاح السيسي.

أهم تصريحات الرئيس عبد الفتاح السيسي 

وأجاب الرئيس عبدالفتاح السيسي على العديد من الأسئلة منها ما يلي: 

وجه الشاب عمر عيد،  من قادرون باختلاف 17 سنة، وبطل سباحة ويدرس بمرحلة الثانوية العامة سؤالاً للرئيس السيسي وقال: «امتي حضرتك خوفت أوي على بلدنا؟».

وأجاب الرئيس السيسي قائلاً: "الخوف على مصر دائم لكن فترة 2011 و2012 و2013 و2014 ولما حصل الموجة الكبيرة من الإرهاب ، وتفجير الكنائيس و المساجد و مديريات الأمن، الوقت ده كان أي حد يشوف مصر يقول خلاص، مش عاوز الذكريات تاني نفتكرها ونخلي بالنا، ولو ليا كلمة حافظوا على البلد دي".

و سأل شاب آخر يدعى رامز من "قادرون باختلاف"، 17 عاما فى الثانوية العامة، عن أصعب موقف في القوات المسلحة؟، وجاوب الرئيس قائلاً: "أصعب وقت عليا كان في 2011 والله يعلم ما في نفسي فى اللى انا بقوله ده، أنا كنت ببكى على مصر يابني، حسيت أن ممكن أن الأمور تخرج عن السيطرة والبلد تخش فى دوامة كبيرة جدا من خراب و الدمار وكنت عارف أن عدد مش قليل و ظروفنا صعبة، وتدخل فى أمور زى كده، وكنت حاسس بالخطر الشديد، ومن ساعتها لغاية دلوقتى بدون مبالغة، وأنا فى الوقت ده مكنشى باين عليا سن خالص، أنا بكلمك بجد، هاتوا صورى فى الفترة دى قبل 2011، سنى لا يتخطى 30 عاما، لكن اللى حصل والخوف على البلد والناس".

اليوم ده بخرج كأنى اتغسلت

والتقطت أطراف الحديث الشابة رحمه قائلة: "إية أكثر حاجة فرحتك يا ريس؟"،  و رد الرئيس عبد الفتاح السيسي قائلاً:  "اليوم دا أكثر حاجة بتفرحني وبيكون يوم جميل، و مش بفرح بمزاجي أنا بفرح معاكم، وأنا بلاقي نفسي فرحان بيكم، ربنا سبحانه وتعالي بيجعلكم فرح، لو الناس تعرف هتلاقيهم وقفوا وأنتوا نازلين علي السلالم، والفرحة الكبيرة جدا بتاعت اليوم ده بخرج كأنى اتغسلت".