«فيديو سخيف».. مؤلف «ولاد رزق» يكشف حقيقة تقديم الجزء الثالث من العمل

كشف المؤلف صلاح الجهيني، حقيقة ما تردد حول التحضير للجزء الثالث من فيلم «ولاد رزق» الذي قام ببطولته أحمد عز، عمرو يوسف، وأحمد الفيشاوي.

وقال «الجهيني» عبر حسابه الرسمي على «فيسبوك»: «في فيديو سخيف منتشر بقاله فترة وناس كتير بتعملي تاج فيه والأسخف إني اضطر ارد على حاجة متألفة برداءة ومتفبركة بالشكل العبيط ده، أبطال أفلام ولاد رزق نجوم كبار جدا كل واحد منهم بيقدر يشيل عمل فني لواحده ولما بيتجمعوا سوا بيعملوا أفلام هي الأكبر في مصر والمنطقة العربية وأنا أول واحد بابقى عايز اكتبها وأشوفها».

وأضاف «أي شخص متابع الأخبار الفنية، هيعرف أن أستاذ طارق العريان مشغول في تصوير مسلسل معاوية خارج مصر منذ أكتر من 6 شهور وأن أنا كنت مشغول في فيلم المطاريد بقالي نفس الفترة وبالتالي احنا متقابلناش من شهور".

واختتم قائلا: «أتمنى البوست ده يقفل الموضوع وأتمنى أن مفيش حد عبقري يقول هو رد عشان الموضوع حصل وياريت من هنا لحد ما ولاد رزق 3 ينزل تتفرجوا على فيلم المطاريد وتستمتعوا بيه زي ما انا استمتعت بكتابته».