ياسر جلال يتبرع لـ صندوق تحيا مصر بـ3 مليون جنيه: «عملت كده علشان بلدي»
كتب: نسرين إبراهيم
أعلن الفنان ياسر جلال، عن تبرعه لـ"صندوق تحيا مصر" بمبلغ 3 مليون جنيه، وذلك في إطار دعمه للبلاد في ظل الأزمة الاقتصادية التي يشهدها العالم.
وقال ياسر جلال في بيان له: "بسم الله الرحمن الرحيم، كل سنة وأنتم طيبين، احنا النهاردة 11 يناير 2023، بأعلن تبرعي بمبلغ 3 مليون جنية لصندوق تحيا مصر، أنا اللي معايا مش كتير أوي عشان استقطع منه المبلغ ده عشان أتبرع بيه بس أنا عملت كدا عشان بلدي، وأقسم باالله ما حد قالي أعمل كدا ولا حد قالي أطلع قول الكلام ده".
وأضاف: "المرة دي بعلن عن الجهة والمبلغ اللي اتبرعت بيه لأني بتمنى كلنا نشترك ونعمل اللي نقدر عليه وبدعي زملائي النجوم إنهم يتبرعوا باللي يقدروا عليه.. أنا عارف أن في منهم عمل الموضوع قبل كده، بس لو عملوا ده تاني يبقي شيء عظيم"
وتابع: "يعلم ربنا السبب اللي خلاني أعمل كده هو الأزمة اللي بتمر بيها مصر دلوقتي.. أنا راجل لا غاوي شهرة ولا نجومية.. أنا بشتغل وبخلص شغلي وبروح أقعد مع مراتي وأولادي وبعمل ده لأن كلنا شايفين البلد بيمر بأزمة كبيرة، والعالم كله بيمر بأزمة كبيرة، وإن شاء الله الأزمة تعدي لما كلنا نقف جنب بعض"، وحرص على إنهاء حديثه بالدعاء لمصر".
وشارك الفنان ياسر جلال، في مسلسل الاختيار 3، خلال موسم رمضان 2021، وحقق نجاحاً جماهيرياً، وشاركه البطولة: أحمد السقا، كريم عبد العزيز، أحمد عز.
