فيفي عبده: «كل الرجالة بتخون .. و لازم تشوفي بنفسك وتبقي كسرتي عينه»

حلت الفنانة فيفي عبده، أمس، ضيفة على برنامج "كتاب الشهرة"، الذي يقدمه الإعلامي علي ياسين عبر قناة الجديد، وتحدثت خلال الحلقة عن علاقة الرجل بالمرأة.

وتحدثت فيفي عبده خلال الحلقة قائلة :" كل الرجالة بتخون وتقول هل من مزيد، إوعي الراجل يروح من إيدك لو جوزك لقطة وكويس، وراجل أبو ولادك، وكسبتيه من الزمن المنيل اللي إحنا فيه".

وأضافت :" إعملي نفسك مش عارفة، وإوعي تسمعي كلام الناس وكذبهم، ولازم تشوفي بنفسك وتبقي كسرتي عينه، لكن لما تطلبي الطلاق هيقول مع السلامة ويروح للست التانية".

وعن الإنجاب قالت فيفي عبده :" أمي ما كنتش تقعدنا مع ناس كبار بيتكلموا وأنا عندي 10 سنين، ما كنتش عارفة اسألها إحنا جينا إزاي، ولحد ما اتجوزت كنت فاكرة الناس بتخلف من ركبها".

واستكملت الحديث قائلة :" كنت فاكرة الستات بتخلف من رٌكبها وافتكرت الولادة سهلة قوي.. لكن أنا قعدت أولد يومين أو 3 أيام وأكسر الإبر اللي بيدوهاني لما كنت بولد عزة".

ومن ناحية آخرى كانت آخر الأعمال التي شاركت بها فيفي عبده هي مسلسل"شغل في العالي"، بالاشتراك مع شيرين رضا ومروان يونس، بجانب عدد من ضيوف الشرف من بينهم بيومي فؤاد، ونضال الشافعي، ونجم كرة القدم ميدو، والعمل من إخراج مرقس عادل وتأليف حسين مصطفى محرم.