أحمد سعد: مراتي وشها حلو عليا.. ومحمد رمضان مش زي ما بتشوفوه في الأغاني

كشف الفنان أحمد سعد عن عدد من الأسرار في حياته الشخصية، عند حلوله ضيفًا ببرنامج "هذا مكانك"، عبر قناة SBC السعودية.

وقال أحمد سعد خلال اللقاء، أن زوجته دائمة الانتقاد له،:" دايما بتنتقدني وتقولي مش المفروض تعمل وأنا بطلع مببرات إن اللي عملته هو الصح لكن بعد كدة بعرف انها عندها حق.. أنا عليا حاضر في البيت ترن البيت أوقى حاضر ممكن تسمعها".

وأَضاف عن نجاحه العام الماضي:" أمي دعتلي وزوجتي وشها حلو عليا جدا متدخلة في كل شيء في حياتي وكان معاها قدم السعد، بتحبني أطلع بشكل معين ودايما مركزة معايا".

وأضاف عن علاقته بمحمد رمضان،  وغنائه "وسع وسع" نكاية فيه:" الناس بتحب تعمل أكشن لكن ده مش حقيقي لأن أنا مش شايف حد نمبر وان أكبر مني أو أعلى مني مفيش حد فوق وأنا تحت، أنا موهوب في حتة والتاني موهوب في حتة تانية".

وعن لقب نمبر وان، في أغاني محمد رمضان، علق قائلًا:" مش بيقول لحد معين ده أسلوب في الأغنية انك تقول إن مفيش زيي، لكن هو مش بيقول كدة في الحياة العادية".