الراقصة صفوة: «الرقص مهنة صعبة.. ومشغلة معايا 40 راجل بشنبات»
كتب: نسرين إبراهيم
أكدت الراقصة صفوة، أنها مرت بحالة اكتئاب شديدة بعد طلاقها، مشيرةُ إلى أن تجربة زواجها هذه كانت من أصعب التجارب التى مرت عليها.
وقالت صفوة خلال لقائها مع الإعلامية مروة صبري، في برنامج قعدة ستات، المذاع على شاشة القاهرة اليوم: "أنا اتطلقت من جوزي 3 مرات ومرتين لأسباب لا داعي لذكرها".
وأضافت صفوة: "آخر طلقة جالي اكتئاب وشعري وقع وبقيت أركب بواريك لدرجة مفيش شعر أركب فيه بنس الباروكة، منهم فيلم الرغبة ساعتها كنت لابسة باروكة وناس كتبوا إني مش هشتغل تاني وبمر بفترة اكتئاب".
وتحدثت عن صعوبات مهنة الرقص، قائلة: "الرقص مهنة صعبة لأن الراقصة بتشتغل مع أكثر من 40 راجل بشنبات، ولكني اعتزلته من 14 سنة وبذلت مجهود كبير عشان أثبت نفسي في التمثيل وأمحي لقب راقصة، لأن كلمة راقصة المجتمع مش بيقبلها وخاصًة لو مجتمع شرقي، على الرغم من إني كنت بكسب كتير من الرقص".
وشنت هجوما على الراقصة صافيناز، قائلة: "الراقصات المحترمات أصبحوا قليلين، منهم بوسي، دنيا، وفيفي عبده ودول فنانات وراقصات محترمات وفوق دماغي، ولكن مع الأسف شغلهم أصبح أقل ومن 10 سنوات ظهر العديد من الراقصات زي صافيناز وماهيتاب دول مش عجبنّي نهائي، وكل مال عري زاد ما الراقصة بتكبر".
