«جعجاع وأونطجي».. إبراهيم فايق يشن هجوما عنيفا على مرتضى منصور | فيديو

نشر الإعلامي الرياضي إبراهيم فايق، فيديو عبر حساباته الرسمية على السوشيال ميديا للرد على المستشار مرتضى منصور، رئيس نادي الزمالك، بعد هجومه عليه وسب والدته.

إبراهيم فايق ومرتضى منصور

وقال إبراهيم فايق في الفيديو: "أنا والدي ووالدتي تعبوا في تربيتي أوي، و في ناس كتير بتفهم إن المحترم بيتاكل حقه، ولكن ده مش حقيقي لأن المحترم ممكن في أي وقت يرد على أي حشرة".

وأضاف: "أنا هعيش مرة واحدة بس وهعيشها دكر على أي حد.. ومش هتغير".

واستكمل: "إلى الشخص سيء الذكر بذيء اللسان، أبو لسان زفر، يا أخي انت بقى عندك 80 سنة وبلغت من العمر أرزله ورجلك والقبر، واللي زيك يدوب يعملوا حسنات يقابل بيها ربنا، بس أنت مستهون من المقابلة ومن دعوات أمهات كل المصريين والستات الفاضلات اللي أنت خضت في عرضهم، بكرة لم تنزل تحت هتعرف الدعاوي وهتبقى نار عليك".

وقال إبراهيم فايق: "أمي اللي انت جبت سيرتها.. جزمتها برقبتك ورقبة مليار واحد من عينتك".

واستطرد: "أوعى تفتكر إن في حد هيسكتلك.. أنت جعجاع وأونطجي ومتعرفش تعمل حاجة، وده أخرك، وأنا مش فارق معايا أي حاجة، يا أونطجي يا جعجاع يا أبو لسان زفر يا سبّاب يا لعان يا سوابق بالقانون لأن عليك حكم محكمة".

واختتم الفيديو بقوله: "اسمك أصبح لا يعبر إلا عن السب والشتيمة، وده اللي تستحقه، إن اسمك يرتبط بالقاذورات دي".

رد ابراهيم فايق كامل على مرتضى..يا اونطجي يا سباب يا سوابق pic.twitter.com/pPn1WoXFHC

— Wael????Al-Emam وائل الإمام???????????? (@wael_alemam) January 31, 2023