دعاء فاروق: «بنطلع صدقات عشان إحنا محتاجين.. وبصحى أدور على حد أديله»
كتب: نسرين إبراهيم
تحدث الإعلامية دعاء فاروق، عن أهمية الصدقات، ودورها في تفريج الكرب، وذلك من خلال موقف لها مع صديقة.
ونشرت الإعلامية دعاء فاروق مقطع فيديو عبر حسابها الشخصي بموقع الصور والفيديوهات "إنستجرام"، قائلة: "بنطلع صدقات عشان إحنا محتاجين حاجة؛ مش علشان الناس هي اللي محتاجة حاجة، إحنا بنتوسل لربنا بالصدقة وبصحى الصبح أدور على حد أديله صدقتي عشان أفك كربي، مش هو اللي يدور عليا علشان هو اللي مزنوق، بالعكس أنا اللي مزنوقة، يعني أصحى الصبح أقول شوفولي حد مزنوق ومكروب كرب شديد دي هدية، واللي بيفك كرب حد كربه بيتفك على طول وأنتم مغمضين".
وأضافت: "أنا معرفش كدعاء أنا بشتغل إيه، واللي أعرفه إني بشتغل عند ربنا وربنا بيستخدمنا وبيبعتلنا رزقنا بأي وسيلة، والرزق ده بتاع ربنا وحتى لوجه قليل بيكون مكفي وزيادة، ممكن يكون قليل وفيه بركة، وخزائن ربنا لا تنفذ، وملهاش علاقة بخزائن الناس الضعيفة المليونيرات، نصحى الصبح ندور مين مزنوق وإحنا في عز زنقتنا وهنشوف سحر".
View this post on Instagram
