ياسمين عز تعتذر عن تصريحاتها: التوفيق خانني | فيديو
كتب: محمود جودة
قدمت الإعلامية ياسمين عز اعتذارًا للجمهور المصري، عن تصريحاتها بالأمس، والتي أيدت فيها موقف زوجة عريس الإسماعيلية من التنازل عن شكوى ضده بعد ضربها، وطالبتها بإطاعته.
وقال ياسمين عز: "أنا بعتذر بشكل واضح وصريح إذا كان اللي قولته امبارح اتفهم على إني موافقة على أي عنف أو إهانة ضد عروسة الإسماعيلية، أو إني بشجعها على قرارها".
وأضافت في برنامجها "كلام الناس": "أنا بعترف أنه سوء تعبير وإن التوفيق خانني..في اختيار كلمات توضح المعني اللي كنت أقصده.. اللي هو بما أن الاتنين اتصالحوا فهما أصحاب القرار".
واستكملت: "هل ده مقبول أو مرفوض.. ده أكيد مرفوض مننا كمجتمع ولكن العريس وعروسته كان لهم رأي تاني".
وقالت إن "محاولة علاج المشكلات بين أي شخصين لها أكثر من طريقة وأصعبها الصلح، ولكن الأهم من الصلح هي أنها تكون بشروط تحافظ طبعا على كرامة الاتنين الست والراجل"
واختتمت ياسمين عز بقولها: "مش محتاجة أقول إني ضد العنف وضد الضرب وضد الإهانة، ودي أنا قولتها في حلقة امبارح أكتر من 3 مرات".
