شيرين الشايب لـ«العاصمة»: «مفيش فرق بين الست والراجل.. الصح صح والغلط غلط» (فيديو)
كتب: نسرين إبراهيم
علّقت المذيعة شرين الشايب، على الجدل المثار حول علاقة الرجل بالمرأة وانحياز بعض المذيعات في برامجهن لطرف على حساب الآخر، ومنهن ياسمين عز، معبرة عن رأيها في تلك القضية الاجتماعية عبر لقاء لها مع موقع العاصمة.
وقالت «الشايب»، في حوار مع رئيس التحرير، الكاتب الصحفي أيمن نور الدين، لـ«العاصمة»: «أنا لا مع ده ولا ده، إحنا بني آدمين طبيعيين بنتعامل معاملة عادية».
وأضافت: «مؤخرا كنت عاملة حلقة تحت إشراف وزارة التضامن الاجتماعي بسبب ارتفاع نسب الطلاق.. وشايفة إن مفيش حاجة اسمها كلام للستات بس وللرجالة بس.. في حاجة اسمها الصح صح والغلط غلط، يطلع ست يطلع راجل المهم الصح».
واستكملت: «مش عارفة ليه عاملين خناقة بينهم ومفيش أصلا خناقة، والموضوع إن في حالات الست بتبقى غلطانة وأوقات بيكون الراجل هو اللي غلطان والعكس.. والنهاية أنا لا مع ده ولا ده أنا مش مع حالة الاستقطاب يا رجالة بس يا ستات بس، أنا شايفة إن الصح صح والغلط غلط».
واردفت: «فكرة أبقى متخصصة يا مع الستات بس، أو مع الرجالة بس، ده مش صح.. وربنا قال وجعلنا بينكم مودة ورحمة.. مش جعلنا بينكم خناقة».
وتحدثت الشايب، عن علاقتها بزوجها المذيع والفنان كريم كوجاك، قائلة: «كريم رجل طبيعي وأنا ست طبيعية، فممكن أوقات نتفق وأوقات العلاقة تتوتر، وأوقات حد فينا يستحمل التاني وأوقات طرف يبقى كويس وأوقات طرف يبقى متعصب والعكس.. أي العادي والطبيعي اللي بيحصل في أي بيت مصري.. ومفيش حاجة اسمها يبقى طرف طول الوقت سيد الموقف والطرف التاني يبقى مداس عليه، وبالتالي اللي بيحصل من جدل مش حالة طبيعية».
