أصالة : «صوتي هو علاج لكل مشاكلي»
كتب: مؤمن نصر
أكدت المطربة أصالة، أن صوتها هو علاج لكل مشاكلها، حيث قالت: أنا مرق بحياتي أحداث جلل، بعتقد أنه إذا مرق جزء منها على أي إنسان يمكن ما يقدر يتحملها، بس يمكن رب العالمين عارف أنه نحنا في ناس بتقدر تتحمل هاي الأحداث وكله مرق بأقل أضرار نفسية بسبب غنائي.
وأضافت: أنا صوتي هو كان سلاحي الوحيد معيني الوحيد على الانتصار على اي مشكلة كانت فردية لحتى أرجع انتفض واعرف قوم بعائلتي قوم بمسؤولياتي قوم بمسؤولية نفسي كمان أولاً، لأن أنا بعرف انه هي الحياة لازم نحنا هي المقاومة تكون موجودة معانا منذ الولادة.
واستكملت: مرضي بطفولتي هال challenge هاد اللي رب العالمين عطاني ياه بها لمشكلة الصحية هي اللي علمتني كيف انتصر على اي حدث، وتتالت علي بعض المشاكل سواء كانت يعني خاصة أو عامة وقدرت انتصر عليها فقط بغنائي وفقط بصوتي لأنه صوتي هاد مو مجرد يعني شيء بغني، مو هو شي بس صدى بيطلع بالهوا، هو حامل مسؤوليات كثيرة يعني أنا بغنى عن أني اذكرها، بس هو شايل الدنيا كلها هون جوا حنجرتي.
واختتمت: أنا بحس صوتي هو دور الفرح دور كتير مهم وخصوصاً لما الأحزان بتتراكم، لأنه أنت إذا بدك تساعد لازم تكون واقف لحتى تقدر تساعد، ما بتقدر تنهار وتساعد، بس بصوتي بقدر انتصر على اي مشكلة نفسية بمرق فيها، وبحس انه هو معين لناس كتير، هو ما حيعين الكل، بس حيعين المحبين وهاي هي الناس اللي متأثرين فيه، صوتي.
View this post on Instagram
View this post on Instagram
