عمر السعيد: مشاهد الضرب في «أزمة منتصف العمر» حقيقية والمسلسل من الواقع
كتب: عزة عبد الحميد
علق الفنان عمر السعيد على الانتقادات التي يتعرض لها مسلسل "أزمة منتصف العمر"، الذي يشارك به ويعرض حاليًا عبر منصة شاهد.
وقال عمر السعيد، خلال لقاء له مع برنامج mbctrending، أن الواقع به قصص أكثر حدة من ما هو موجود في العمل: كل واحد حر يقول رأيه اللي مش عاجبه ممكن ميتفرجش خاصة أنه على منصة، المفاجأة أن الناس بتنتقد وتسأل في نفس الوقت الحلقة هتنزل أمتى والقصص دي موجودة في المجتمع افتحوا صفحة الحوادث وشوفوا في كام موضوع، المسلسل اسمه "أزمة منتصف العمر" يعني واضح أن في أزمة وفي مشاكل نفسية".
View this post on Instagram
وأضاف عمر السعيد عن مشاهد الضرب الذي يقوم بتأديتها خلال الحلقات:" الضرب حقيقي أنا كنت عايز مضربش بجد لكن كريم العدل المخرج كان بيقولي ملكش دعوة دا لازم يبان الناس بتاخد بالها كنا عاوزين الموضوع يبان حقيقي، الناس كلها زعلانة مني احنا بنمثل بس هما واخدين الموضوع جد".
مستطردًا :"هاجر عفيفي اللي بتعمل دور مراتي هي مجتهدة أوي الاجتهاد مموتها كانت بتقول أنا تمام وأنا كف إيدي كبير، في التمثيل لو مش بتمثلي بجد الناس مش بتقتنع الموضوع كان حقيقي".
ويقوم ببطولة مسلسل "أزمة منتصف العمر" كل من ريهام عبد الغفور، وكريم فهمي، وعمر السعيد، وهاجر عفيفي، ورنا رئيس، من إخراج كريم العدل.
