والد نورهان قاتلة والدتها ببورسعيد: محدش حاسس بمصيبتي.. أنا أب وفقدت زوجتي وبنتي

تحدث والد نورهان قاتلة والدتها ببورسعيد، لأول مرة إعلاميًا، من خلال برنامج "يحدث في مصر" مع الإعلامي شريف عامر. 

وقال والد نورهان في تصريحات للبرنامج: "تعرضنا لتنمر وشتائم ومحدش حط نفسه مكاني، ومفيش غير هجوم ليل نهار، ومحدش حاسس بمصيبتي وبص ليا كأب، وسمعت حاجات تخص زوجتي رحمها الله وهى ست خيرة وفي دار حق، وحسبي الله ونعم الوكيل، الست ما تستاهلش كده".


وكشف عن سبب عدم زيارة ابنته في محبسها حتى الآن، قائلا: "ما روحتش زورت نورهان، ما جتش فرصة، مش عايز أشوف بنتي في ضيقة وغضبان مني، وشايف إنها كانت واقعة تحت ضغط شديد، وكان المجرم بيهددها بأخوها أحمد وهي كانت روحها فيه، أنا فقدت زوجتي وبنتي ضاعت مني وأنا أب".

وأضاف: "عمتها هى اللى زارت نورهان، وهى كانت قريبة منها جدا، واحنا عائلة متقاربة وساكنين جنب بعض".

وتحدث عن حالة أخواتها، قائلا: "أول يوم أخواتها يروحوا المدرسة اليوم، بعد غياب شهرين منذ وقوع الحادث، والناس هناك متعاطفة معانا، وأنا ابتديت أنزل شغلي".

واستكمل: "الحمدلله لم أقصر في تربية أولادي أو بيتي، والقصة كلها ابتلاء من الله سبحانه وتعالى، وزوجتي كانت نعمة الزوجة وراضي عنها ليوم الدين، ونزلت تشتغل فقط من ٩ شهور تساعدني، وشقيقتي هي التي تساعدني حاليا في مراعاة أولادي زي والدتهم".

إقرأ أيضًا: مُحامي المُتهم بقتل سيدة بورسعيد: «نورهان قالت لحسين: لو مشيت هتشيل القضية لوحدك ولازم نخلص عليها»