والد نورهان قاتلة والدتها ببورسعيد: نفسي أشوفها.. وبنتي ضحية مجرم

أكد والد نورهان قاتلة والدتها ببورسعيد، أنه يرى أنه كرب شديد، إذ فقد زوجته وابنته في آن واحد، وأنه يعيش فترة صعبة لكنه، راضي بالابتلاء الذي وقع فيه. 

وتحدث والد نورهان، عبر برنامج "يحدث في مصر"، مع الإعلامي شريف عامر، قائلا: "احنا بنحاول نكون جنب الأولاد أخوات نورهان، وبدأت حياتهم إلى حد ما ترجع طبيعي، وبنحاول نمنعهم على قد ما نقدر عن السوشيال ميديا".

وتابع: "غيرت مكان السكن اللى حصل فيه الجريمة، علشان العامل النفسي، لأننا مش مستحملين نعيش في نفس المكان، اللى كنا ساكنين فيه جديد من سنة ونصف فقط، ولو رجع بيا الزمن كنت مش هسكن في المكان وهغيره، مضيفًا: "أنا زوجتي، عشنا فيه سنة ونص فقط وجالنا بعد ٢٠ سنة جواز".

وعن ابنته، قال: "بفكر أروح لبنتي، ونفسي أشوفها ومش جاى أدافع عنها، أنا بطلب لها الرحمة، ومفيش رحمة عند الناس، وهكذب لو قولتلك مش زعلان على بنتي، وهى ضحية ولد مجرم كان بيهددها وهى جبانة".

اختتم والد نورهان قاتلة والدتها ببورسعيد حديثه قائلا: "عندي غير نورهان، ابن في تالتة ثانوي، والتاني في أولى إعدادي، وكل اللى حواليا بيدعموني، والحمد لله مفيش حد يعرفني ما وقفش جنبي، والغرب هما اللي بيأذوني".

إقرأ أيضًا: المحكمة تكشف مصير الطفل عشيق قاتلة والدتها في بورسعيد