تامر حسني ردًا على هجوم أحمد أدم: «التريند جنن عقول الناس»
كتب: عزة عبد الحميد
علق الفنان تامر حسني على ما تعرض له من إساءة وهجوم من قبل الفنان أحمد آدم عبر برنامج "أدم شو" والمذاع عبر قناة الحياة الفضائية.
ونشر تامر حسني الفيديو الخاص بـ"آدم"، وهو يشرح من خلاله كيف يتم صناعة التريند، مؤكدًا أن تامر من الأشخاص التي تهوى فعل أشياء غريبة لتثير الجدل.
ليرد تامر معلقًا:" استاذ احمد آدم فعلاً بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس و خليتهم يبيعوا مبادئهم و صداقتهم و امانتهم لمجرد ان الناس تعرفهم او تتكلم عليهم و لو ليوم واحد و نسيوا انه لا يصح الا الصحيح عشان ده عدل ربنا … و اي افاقين مع الوقت هتلاقيهم بيختفوا و المحترم الحقيقي هو اللي بيستمر اصل لما نهتم و نرد على كل كداب امال اللي بيحبونا نعمل معاهم ايه !!!!؟".
View this post on Instagram
وأضاف:" تابعوا قلوب الناس و المواقع اللي هتاخد كلام الاستاذ احمد السلبي و ينشروه و علموا عليهم عشان تعرفوا حقيقتهم … و الحقيقه ان فعلاً الكلام السلبي هو اللي انتشر ،، شكراً استاذ احمد آدم لكلامك و اشادتك الحقيقيه في حقي هي شهاده عظيمه من فنان محترم و كبير بفنه و اخلاقه".
هجوم أحمد آدم على تامر حسني
ومن المفترض أن يبدأ تامر حسني تصوير فيلم "تاج" بالاشتراك مع المطربة ساندي بعد أن اعتذرت كل من مي عمر و هنا الزاهد عن بطولة هذا الفيلم.
