رانيا يوسف: مفيش رجل بيقع في الحب هما بيفكروا بغريزتهم وكان حلم عمري إني أكون أم

حلت الفنانة رانيا يوسف ضيفة ببرنامج «جوسبس»، المذاع عبر موقع الفيديوهات الأشهر يويتوب.

وقالت رانيا، تعليقًا على مقولة: «لا يوجد فرق بين رجل حكيم وأحمق عندما يقعون في الحب»، قائلة: «مفيش راجل بيقع في الحب، كل حاجة في الأول بتبقى لطيفة، هو أول 3 شهور، بعد كدة الدنيا بتبقى على حقيقيتها».

وأضافت: «مشوفتش راجل بيقع في الحب لأنهم بيفكروا أكتر بغرزيته مش بقلبهم، نحن كسيدات المشكلة إننا بنفكر بعواطفنا، وعلى الرجل  أنه يقبل المرأة كما هي بمميزاتها وعيوبها، وهي أيضًا، لأننا أرواح تتلاقى وليست أشكال تتلاقى".

وأكدت رانيا يوسف أنها لا تعيش قصة حب حاليا، قائلة: "الرجالة مش موجودين في حياتي دلوقتي خلينا نهتم بنفسنا ووقتنا يبقى لينا ولجمالنا وصحتنا ونومنا مش عايزين نكد".

وعن الصور الخاصة بها، قالت رانيا يوسف: «أنا مش بحب اتصور أصلا كتير، ومش بحب التصوير على الموبايل، مؤكدة أنها مش بتعدل على الصور ومش أنا اللي بعملها، المسئول عن الصفحة هو اللي بيعمل ده، بس الفرق مش كبير"، مستكملة أنها ترفض التصوير مع أحد حين تكون في عزاء أو مستشفى.

وأعطت جائزة أفضل وجه أمام الكاميرا لكل من «منى زكي ويسرا اللوزي ومنة شلبي، وهند صبري».

موضحة أن الحديث الوحيد الذي قامت بتصويره والاحتفاظ به هو تخرج بناتها، قائلة: «أنا كان حلم عمري أني أبقى أم وبالتالي هما التارجيت اللي عايشة عشانه».