بالدموع.. فاطمة ناعوت تروى لـ«العاصمة» تفاصيل لأول مرة عن الحكم بسجنها

حلت الكاتبة والشاعرة فاطمة ناعوت ضيفة على موقع «العاصمة» برئاسة الكاتب الصحفي الكبير أيمن نور الدين، وفجرت العديد من المفاجأت والأسرار ومنها كشفها لأول مرة عن تفاصيل الحكم بسجنها قبل سنوات بتهمة ازدراء الأديان.

وقالت "ناعوت": "اتحرمت من ابني 8 شهور وقعدت في الإمارات لاجئة ومهددة بالسجن من واحد بيتكتب الله بالتاء المربوطة، يعني لم يفتح مصحفًا في حياته، لكن أنا حافظة القرآن".

وتابعت: "واحد يكتب في جميع بوستاته الله بالتاء المربوطة يعني مش خطأ إملائي ده وكذلك بمذكرة الدعوة، يعني إيه الله بالتاء المربوطة! يعني مكتبش بسم الله الرحمن الرحيم في حياته، مفتحش مصحف يتهمني أنا بازدراء الأديان!، مضيفة: عشان كنت عايزة نطبق سنن سيدنا محمد في الذبح وفي إراحة الأضحية وفي عدم تعذيبها والتنكيل بها وعدم رؤيتها للنصل قبل ذبحها".

واستطردت: "أنا أدفع تمن ده وأبيع دهب أمي وأعود في الإمارات 8 شهور واتحرم من ابني 8 شهور اللي مش بسيبه لحظة واحدة طول حياتي إلا وقت لما يدخل أوضته ينام عشان متسجنش".

واختتمت الكاتبة والشاعرة فاطمة ناعوت حديثها قائلة: "لحد ما عملت معارضة استئنافية والحمدلله القضاء أنصفني، مضيفة: "بعد انتهاء القضية بسنين طويلة ولغاية دلوقت لسه فيه ناس فاهمة عني كلام خاطئ بدون ما يقرؤوأ، يعني كانوا بيقولوا لماذا ترفضين شعيرة؟ أنا مين عشان أرفض شعيرة ولا أمنع شعيرة".

وجدير بالذكر أن، فاطمة ناعوت كاتبة وشاعرة ومترجمة مصرية، ولدت في القاهرة حصلت علي بكالوريوس هندسة جامعة عين شمس 1987 ولها دوواين شعر منها : ( نقرة أصبع ، على بعد سنتيمتر واحد من الأرض ، قطاع طولي في الذاكرة ، فوق كف إمرأة  وعن المترجمات منها: ( جيوب مثقلة بالحجارة ، قتل الأرانب ، مشجوج بفأس ، المشي بالمقلوب

إقرأ أيضًا: المطرب شاندو لـ«العاصمة»: راجع بقوة الفترة اللي جاية للغنا.. ومعرفش الترندات بيشتروها منين