الرئيس السيسي: «الست إنسانة رقيقة وحساسة جداً»
كتب: بسمة فرج
هنأ الرئيس عبد الفتاح السيسي، المرأة المصرية في كلمته باحتفالية المرأة المصرية والأم المثالية لعام 2023، قائلا :"أهنئ المرأة بمناسبة اليوم ده وبمناسبة شهر رمضان الكريم .. كل سنة وأنتم طيبين ومصر والعالم كله بخير".
وأضاف الرئيس السيسي قائلاً :"الست إنسانة رقيقة وحساسة جدا.. وإحنا كرجالة مش بناخد بالنا من الحاجات دى.. ربنا خلقها كده.. وإحنا لو فهمنا ده الرجالة يعنى أقصد الرجالة.. هما لو فهموا كويس إنه يخلي باله من كلمته وتصرفه فى أي مرحلة عمرية.. يعني لو خد باله في التعامل في البيت مع أهله ومع الزميلات حتى في العمل.. هيحصل رد الفعل غير المتوقع بالنسبة للرجل".
وكان مازح الرئيس السيسي الحضور خلال الاحتفالية بيوم المرأة المصرية قائلاً :"الرجالة زعلانة جدًا مش عارف ليه؟".
أقرأ أيضاً ... «الأم المثالية».. الرئيس السيسي وقرينته يشاهدان فيلماً...
وتابع الرئيس عبد الفتاح السيسي مداعبا الرجال قائلاً :"لازم الراجل يطبطب عليها ويخلي باله في التعامل مع الست، ولو حصل حاجة ياخدهم في جنابه ويسكت يعني".
ثم شدد الرئيس عبدالفتاح السيسي، على دور الأم والأخت والبنت، في بناء المجتمع، قائلاً :"الدور كبير للأم والأخت والبنت كمان مهم قوى في المجتمع اللى إحنا موجودين فيه".
وأضاف الرئيس السيسي خلال احتفالية المرأة المصرية: دى نقطة مهمة جدًا ومسؤولية البيت .. بتكلم معاكم كأهلي وأسرة بنتكلم .. لو كلنا أخدنا بالنا في بناء الإنسان، الولد أو البنت وفهمناهم كويس ووعيناهم كويس من وهما صغيرين لغاية لما يكبروا النقط دي هتبقا محل اعتبار في التعامل مع بعضنا، مش هنشوف تنمر ومش هنشوف في الشارع حاجات تانية كتير".
أقرأ أيضاً ...موعد صرف معاشات شهر أبريل 2023.. الجدول كامل بالزيادة
تابع الرئيس، قائلاً :"الموضوع واللى إحنا بنقابله في مجتمعنا مبنية على كتاف الست، وفيه ناس كتير بيقولوا أنت سبب الرحمة اللى عندك والحنية، بقولهم البيت اللى أنا عشت فيه كان كده، كانت أمي كده".
