«فقدان الحياء من الله»..عنوان الحلقة الثالثة من برنامج «رميم»

جاءت الحلقة الثانية من البرنامج بعنوان "فقدان الحياء من الله" ،ويهدف برنامج رميم إلى إعادة ترميم روح وشخصية الإنسان من الإنكسارات التي يمر بها في الحياة، والتي يتم عرضها على قناة ON، وعبر صفحة الداعية مصطفى حسني الرسمية عبر قناة يوتيوب. 

وفي بداية الحلقة بدأ الداعية مصطفى حسني قائلاً: «الخوف شعور تقيل على القلب والعلاقة اللي أصلها خوف بس غالبًا علاقة مش متهنية ،لكن الخوف مش عكسه الحب ،الخوف لو في أقصى الشمال ،فعكسه في أقصى اليمين الجرأة والتهور والإغترار والجيل بتاعنا من كتر رفضه للخطاب والوعظ الديني اللي فيه تخويف.. راح للناحية التانية.. افتكر إن ده حب.. لكن كان الحب ده فيه جرأة على ربنا سبحانه وتعالى عند بعض الناس في تضييع الفرائض والجرأة على الكبائر بدافع إن ربنا رب قلوب وحاببنا كلنا وهيسامحنا، لكن الحقيقة إن الحب الشعور الأجمل اللي بيحكم علاقتنا مع ربنا مليان طمأنينة و جمال لكن بيحكمهم الهيبة لله والتعظيم».

أسباب فقدان الحياء مع الله

1-أن أكون متطمن إن ربنا هيرحمني مع إستدامتي في ارتكاب المعاصي و ترك الفرائض و إيذاء خلق الله وكإن فرض على ربنا إنه يرحمني، لأنه رحيم.

2-طول الأمل يعني عدم توقع لقاء ربنا قريب.

3-عدم معرفتنا بحجم الذنوب اللي ممكن نقابل بيها ربنا سبحانه وتعالى.

فإذا لقيت نفسك عندك حسن ظن في ربنا مع الجرأة الشديدة في ارتكاب المعاصي والكبائر وترك الفرائض،أقف ده فقدان للحياء محتاج لترميم وإعادة بناء.

خسائر فقدان الحياء من الله

1-هيحرم نفسه من ديمومة التوبة اللي بيحبها ربنا "إن الله يحب التوابين ويحب المتطهرين".

2-ثقل ميزان السيئات بسبب تأجيل "توبة التعظيم" يعني توبة الإستقامة،فكرة إن أنا مش بتوب من ذنوب معينة،أنا بتوب من إن حياتي بعيد عن ربنا،حياتي لازم تبقى على مراد الله.

كيف تعيد بناء الحياء من الله

1- التوبة "بدوام سيد الإستغفار".

2-المراجعة"مراجعة حالك على معيار أركان الإسلام والأخلاق الأساسية".

أثر عودة حياءك من الله

إذا أعدت بناء وترميم حياءك من الله و وازنت ما بين الخوف والرجاء خيرات كتير هتعود عليك 

1-رجوعك للطريق المستقيم اللي انت بتدعي بيه في الفاتحة كل يوم "اهدنا الصراط المستقيم".

2-حفاظك على حياة الضمير،وهو مرادف للنفس اللوامة اللي دورها إنها تتألم عشان تتوب ،وترجع حياءك من الله.

والجدير بالذكر أن الداعية مصطفى حسني قدم شهر رمضان الماضي برنامج "القناع" وناقش البرنامج الفطرة الطبيعية الذي خلق الله الإنسان عليها ،وأن الله خلقنا و وضع فينا من صفاته على قدر الإنسان،و إذا سيطر الخوف على أي شخص فسيحجب عنه شخصيته الربانية الصادقة.