لوسي: «مش ندمانة على الرقص.. ومش خايفة من الموت»

أكدت الفنانة لوسي، أنها ليست نادمة على عملها بالرقص، ولم تخشى الموت، مشيرة إلى أنها لم تفعل أي شئ خطأ ولا تعني بحديث الناس.

وقالت: "لو عملت حاجة غلط هقول لربنا أغفر لي وسامحني، لكن أنا معملتش حاجة غلط، أنا عملت حاجة العالم كله بيحبها ويقدرها".

وتابعت: "لو كلنا قعدنا سمعنا كلام الناس مش هنعرف نشتغل، أنا مندمتش على الفن والرقص، معملتش حاجة غلط".

وكشفت لوسي عن حبها للفن والرقص منذ صغرها، واضطرها لدخوله في عمر صغير لكونها كانت مسؤولة عن أسرتها، وذلك خلال حوارها مع الإعلامية بسمة وهبة، مقدمة برنامج "العرافة"، على قناة "المحور"، قائلة: "التحقت بمعهد الباليه وأنا عندي 9 سنين، وبدأت الرقص في الأفراح وأنا عمري 11 سنة.

واستكملت: "كنت بأكل أسرتي وأنا سعيدة إني عملت كده ومش حاسة إني مظلومة، هي ظروفي كانت كده، وأنا سمعتي حلوة والناس بتحبني وبحب الناس وبحب الشغل والرقص والتمثيل والفن والحاجات الحلوة".