لـ3 أسباب.. غادة عبد الرازق تكشف عن عدم صيامها برمضان هذا العام

كشفت الفنانة غادة عبد الرازق عن السر وراء عدم آدائها فريضة الصيام، أثناء التصوير في شهر رمضان.

وقالت خلال حلولها ضيفة ببرنامج «سبوت لايت» من تقديم شيرين سليمان عبر قناة صدى البلد: «عشان أكون صريحة لما بيبقى عندي تصوير من بدري مش بصوم، مبقدرش، لأني بأخذ أدوية ومناعتي ضعيفة، وممكن اشتغل من 7 الصبح لحد 2 الصبح».

وأضافت، «كنت بصوم وأنا أصغر من كدا عادي، في كل الظروف اللي قلتها، وحاليًا لو معنديش تصوير بعمل زي كل الناس ما بتعمل، بصوم وبعمل كل حاجة، زي الناس أنا مش جاية من كوكب تاني».

وعن متابعتها لأعمال رمضان، قالت: «أنا مش بلحق أشوف حاجة في التليفزيون، بحاول لو رجعت بدري من التصوير اللي هو الساعة 5 الصبح، قبل ما أنام بشغل التليفزيون، وأشوف أي مشهد».

وتشارك غادة عبد الرازق في رمضان 2023 بمسلسل «تلت التلاتة» الذي من المقرر عرضه في النصف الثاني من الشهر، وسبق وتحدثت عن الشخصية التي تقدمها قائلة: «كان نفسي أقدمهم بشكل جديد ومختلف، هي شخصيات مربكة وأصعب شيء أني بقف أمثل مع نفسي أنا والهواء وساعات بيبقى مشهد بيجمعهم بصوره في يوم كامل، هو تحدي ليا بياخد مني مجهود».