مشهد «الكبير أوي» يضع «بابا المجال» في مأزق

مع تصاعد أحداث مسلسلات رمضان 2023 والمنافسة الشديدة بين أبطاله كان للسوشيال ميديا دور كبير في التقييم والانتقاد، وبعد عرض ما يقرب من نصف حلقات مسلسل "بابا المجال" بطولة مصطفى شعبان ورياض الخولي وسوسن بدر أشاد عدد كبير من مستخدمي الفيسبوك بالمسلسل مشيرين أنه المسلسل الوحيد الذي يهتم بالتفاصيل التي ستكون سبب في نجاحه.

ومن بين تلك التفاصيل وجود مشهد من مسلسل الكبير أوي الذي عرض في رمضان الماضي، وذلك حسبما أشار مستخدمي السوشيال ميديا حيث قال أحدهم: "الاهتمام بالتفاصيل أمر مهم وفارق جداً وفي نفس الوقت بسيط جداً..في مسلسل بابا المجال قدر عالي من الاهتمام بالتفاصيل باين وواضح جدا ويستاهل الاحترام والتقدير، أحداث مسلسل بابا المجال بتبدأ مع دخول شهر رمضان كريم وحتى الحلقة العاشرة والأحداث مكملة في رمضان .. ورغم أن ده موضوع أشبه بالفخ اللي بينصبه مخرج المسلسل لنفسه عشان ممكن يقع في أخطاء كتيرة بسبب الخط الزمني للأحداث اللي مرتبط بشهر رمضان جوا المسلسل، إلا أن المخرج حتى الآن قادر يهتم بتفاصيل المسلسل وبيضيف في أغلب المشاهد علامات على وجود شهر رمضان".

وتابع: "زي مثلاً مشهد في المسلسل .. بدون أي وصف للمشهد وحتى بدون ما ينطق الممثلين أنت لوحدك هتقدر تخمن وتعرف هو المشهد ده بيحصل امتى بالظبط .. وقت السحور في رمضان .. ليه؟. 

وأضاف: "كل دي تفاصيل وإضافات وديكورات بسيطة لكنها مهمة من المخرج عشان يوصل للمشاهد معلومة او ينقل حدث ما بالخط الزمني المناسب له، يعني تخيل معايا لو كان معروض على التليفزيون مسلسل أبو العروسة أو الأصلي أو أي مسلسل تاني مكنش بيتعرض في رمضان؟ أو لو كان فيه مشهد والناس بتاكل فيه بالنهار؟ كان زمان دي كلها وغيرها أخطاء من المخرج عشان الديكورات والتفاصيل كده هتبقى مش متناسبة مع الخط الزمني للمسلسل، انما حتى الآن المسلسل مهتم بالتفاصيل ودي حاجة تُحترم جداً".