محمد فؤاد لـ محمد هنيدي: أنا أغير منك يا هنيدي ؟! اتقي الله

فتح الفنان محمد فؤاد، النار على الفنان محمد هنيدي، حيث هاجم الأخير ردا على أنه شعر بالغيرة منه بعدما استحوذ على نجومية كبيرة بعد تعاونهما سويا من خلال فيلم "إسماعيلة رايح جاي"، والذي شهد انطلاقة هنيدي وتألقه.

وأكد محمد فؤاد أنه لا ينكر أن محمد هنيدي، حقق نجومية أكثر منه في السينما، وذلك بعد عرض برنامج "العرافة" مقطع فيديو قديم للفنان محمد هنيدي، عبر فيه عن ضيقه من أحاديث محمد فؤاد في جلساته الخاصة والتي يهاجمه فيها بعد الفيلم الذي جمع بينهما.

ورد محمد فؤاد: أنا مهاجمتش حد، أنا مش بغير من حد، ومتوجدش اللي أغير منه، اللي بيغير من صحابه يبقى عنده نقص، ووالله ما هاجمته، كرهت إسماعيلية رايح جاي لأنه خلق حالة كره، ولقيت فيه حروب بين النجوم.

وتابع: أي حد وصل لهنيدي أني بغير منه يبقى عبيط، وأنا اللي كنت كاتب رايح جاي، انا أغير منك يا هنيدي ؟! اتقي الله، قسما بالله بحب هنيدي ومش بغير منه، وأنا تعبت من الناس، دا انا كنت بصرف على المنتجين في الفيلم دا، وكنت عامله عشان نعمل حاجة حلوة ونجمع بعض، يا راجل راعي العيش والملح، خاف هتتسئل قدام ربنا على دا.