محمد مختار: كلام رانيا يوسف ولا يفرق معايا.. وعايزة تتصدر السوشيال ميديا
كتب: نسرين إبراهيم
أثار المنتج محمد مختار، جدلاً واسعًا خلال اليومين الماضيين، بتصريحاته التي رد فيها على اتهامات طليقته الفنانة رانيا يوسف، بكونه لا يصرف على بناته.
ونرصد عبر السطور التالية أبرز تصريحاته والتي جاءت خلال استضافته ببرنامج "حبر سري" والذي يعرض عبر قناة القاهرة والناس وتقدمه الإعلامية أسما إبراهيم.
أبرز تصريحات محمد مختار في "حبر سري" ردا على اتهامات رانيا يوسف:
ـ دفعت مصاريف الجامعة بتاعت بناتي وإديت رانيا يوسف كل حاجة ومستعد أحلف على المصحف.
ـ كل حاجة ادفعت بحكم محكمة وولادي كانوا في مدارس انترناشونال وراحت نقلتهم مدرسة أغلى وأنا بدفع وبس، ودفعت مصاريف بناتي لحد الجامعة ولو مشتغلوش بعد الجامعة هصرف عليهم برضو.
ـ أم البنات متعرفش إني عارفة أن بنتي الكبيرة بتشتغل، واديت بنتي الصغيرة أكتر من 2 مليون لمصاريفها في أسبانيا، وبدفعلهم 5 آلاف إيجار وهما قاعدين في الفيلا بتاعت والدتهم، ورانيا بتعتبر أن الفلوس قليلة وأنا بديلهم فلوس تانية غير اللي في المستندات.
ـ أنا حزين إني بعمل كده بس هي اضطرني كفاية بقا وهي كانت بتقول أن مفيش زيي وربنا يخليه وبعد ما اتجوزت التاني ده قلبت شخصية تانية معرفش ليه.
ـ كلام رانيا يوسف ولا يفرق معايا ولا بحب أرد ودي أخر مرة هرد عليها وتقول زي ما هي عايزة تقول، وهي مكنش في حد يعرفها واتعرفت في السوق بعد ما ارتبطت بيا.
ـ لما بنتها عملت عمليتين أنا اللي كانت قاعد معاها، وكنت شايل للبنات أكتر من كده لغاية ما رفعت قضية ضدي وكانت سعيدة وحست أنها انتصرت.
ـ ووجه رسالة لرانيا يوسف، قال فيها: أنا مش عايزة اسمعك ومش عايز أعرف عنك أي حاجة تاني، ومفيش داعي للحاجات اللي بتعمليها دي لأنها بتخسر والناس مش بتصدق وشوفي حاجة تانية يبقى ليكي ليها جماهيرية على السوشيال ميديا وانتي حرة اتصرفي زي ما انتي عايزة .
