تامر حبيب: الست أهم من الراجل ألف مرة.. والجواز مؤسسة فاشلة
كتب: نسرين إبراهيم
أكد السيناريست تامر حبيب، أنه يؤمن بالمساواة بين الرجل والمرأة، وإن كان يرى أن المرأة أهم من الرجل لأنه من تصنع الرجل.
وقال حبيب: "أنا شايف الست أهم الف مرة من الراجل لأنها هي اللي بتعمل الراجل وكلنا اللي عملتنا أمهاتنا وكل راجل طلع عامل إزاي هو صورة عن تربية أمه".
وعبر تامر حبيب، خلال حواره ببرنامج "حبر سري"، مع الإعلامية أسما ابراهيم، على قناة القاهرة والناس، عن رفضه فكرة الزواج، واصفا إياها أنها مؤسسة فاشلة، قائلاً: "أنا شايف الجواز مؤسسة اجتماعية فاشلة ولو جه نصيبي في الجواز زي القطر هتجوز مجاش خلاص.. وعندي ناس اعرفهم عندهم موضوع المساكنة ولكن دفن الرأس بتاعتنا زي النعام مليش دعوة به".
وتابع: "جزء من مهنتنا نقف في وش المدفع ونتكلم على المسكوت عنه ودي نماذج في حياتنا ولو قعدت اعمل حساب للهجوم على السوشيال ميديا مش هعيش حياتي وطظ في الناس دي".
