محمد سامي:«خلافاتي مع أنصاف الفنانين لأنهم من يصنعون المشكلات»

كشف المخرج محمد سامي السبب وراء ما يتم تداوله عنه من انفعال داخل أماكن تصوير الأعمال الخاصة به والتي قد تتسبب في مشكلات بعض الأحيان.

وأشار محمد سامي في تصريحات تلفزيونية، قائلاً: "لما بتعصب على ممثل بيبقى يا إما هو بليد، أو مواعيده مش مظبوطة، أو مش بيذاكر ولا بيحفظ، وده طبعا بيعطل زمايله".

وأضاف، قائلاً: "هو كده هيفشل ويفشلنا معاه، ويبقى ممثل جاي متأخر ومش مركز ويسلب حقوقنا كلنا، وبتخانق معاه مهما كان مين ونجوميته قد إيه؛ لأن النجوم الحقيقيين أصلا محترمين، وعمري ما اشتغلت مع نجم كبير ومكنش محترم، دايما المشاكل بتيجي من أنصاف الفنانين".

وتابع، قائلاً " أنصاف الفنانين اللي بييجي من وراهم مشاكل، بيبقى عايز طول الوقت يقول أنا نجم، فمش بيفكر في الشغل نفسه، ونجم زي محمد رمضان وأحمد السقا دول ناس تعلم جيدا إنهم نجوم وناجحين، فبيركزوا في شغلهم".

وانهى حديثه قائلًا :"والنجوم دول أول ناس بتيجي في ميعادها، وأكتر ناس مذاكرين وعندهم حرص على نجاح المشروع، زي الفنانين عادل إمام، والراحل محمود عبد العزيز، وأحمد عز، فالمشاكل بتيجي من الناس اللي بتبقى فاكرة إنهم نجوم وبيحاول يثبت ده برغم إن دوره مش هيأثر على بيع العمل بدولار واحد حتى".

وكانت أخر الأعمال التي قدمها محمد سامي هي مسلسل "جعفر العمدة"، والذي أنهى حلقاته أمس في إطار أعمال رمضان 2023.