محمد رمضان: «اتجهت للغناء لأنه أقرب للجمهور»
كتب: عزة عبد الحميد
أعلن الفنان محمد رمضان أن سبب اتجاهه للغناء هو أن الجمهور يحب المطرب أكثر من الممثل والدليل على ذلك هو أن جنازة أم كلثوم وعبد الحليم حافظ كان بها ملايين من البشر.
وقال محمد رمضان خلال لقاءه مع الفنانة إسعاد يونس ببرنامج صاحبة السعادة،: " طول عمرنا بنضرب المثل بجنازة أم كلثوم وجنازة عبد الحليم لأن المغني أقرب للجمهور من الممثل، لأنك علشان تشوف الممثل لازم توفر لي شاشة أو تروح مشوار في المسرح لكن المغني بيوصل للناس في العربية والجيم والشارع وممكن الجمهور يدندن الأغنية وهو بياخد شاور".
وأضاف، رمضان، قائلاً: "أنا عاشق لجمهوري وعاوز أوصل لهم، فلقيت أن الغناء حاجة عظيمة وأنا ما ختارتش الجمهور اللي قال لي حبيتك في ده وفي فرحي ونجاحي والمغني بيرتبط بمناسبات أكتر من الممثل، فبدأت آخد خطوات وعلشان يكون في استمراية لازم يكون فيه تجديد فعملت نمبر وان ومافيا وانساي ويا حبيبي".
واستكمل قائلاً :"لما عملت أغنية مع ميتر جيمس يقيت بسببها معروف في فرنسا وأنا في دبي بيتصورا معايا والتبادل الفني مهم لأن الدول بتكبر بالتبادل سواء التجاري أو الاقتصادي، وميتر جيمس قبل يا حبيبي ما كنش معروف في مصر لكن دلوقتي في قطر عامل اغنية في كأس العالم".
