بعد سقوطها على المسرح.. شهيرة تدعم شيرين عبد الوهاب: «لا تقسوا عليها»
كتب: نسرين إبراهيم
حرصت الفنانة الكبيرة شهيرة، على دعم الفنانة شيرين عبدالوهاب بعد سقوطها على المسرح خلال حفلها بدبي، يوم الجمعة الماضي.
وشاركت «شهيرة» متابعيها، صورا لشيرين أثناء سقوطها، عبر حسابها الشخصي بموقع التواصل الاجتماعى «فيس بوك»، وعلقت، قائلة: «أنا عمري ما اتكلمت في أي وقت عن أزمة شيرين، لأنها حاجة شخصية وندعيلها وخلاص ربنا يخرجها منها على خير، لكن اضطريت اتحشر لأن اللي بيحصل ده كتير، كلنا عارفين أزمتها والست بتحاول وتجاهد أن تخرج منها، بأنها بتسترد نفسها وفنها وتاريخها الجميل اللي طالما أسعدتنا بيه».
وأضافت: «فلا نقسوا عليها ولا نكسرها لمجرد أنها وقعت على المسرح، زيها زي كتير ونجيب القديم والجديد ايه يعني؟ بنتلكك ولا إيه، شرين في النهاية إنسانة تخطئ وتصيب وشرين زي مانتوا عارفين من المطربات السوبر اللي يتعدوا على أصابع اليد الواحدة، ولا نريد أن نخسرها».
وتابعت:«هي تحتاج لجمهورها اللي بيحبها لا تحبطوها هي تريد المساندة وبتقولكم أنا رجعت أهو لحضنكم⚘️ فلنمد لها يد الحب والعطاء فقد أعطتنا سنين طوال أمتعتنا فيها بفنها فلا نبخل عليها بيد الاحتواء والمساندة».
وختمت: «على فكره عمري ما تقابلت أنا وشرين شخصيا ولكنها مشاعر».
