ريهام حجاج: مصطفي درويش من أكتر الناس اللي اتحاربت وربنا اللي بيرزق
كتب: نسرين إبراهيم
أعربت الفنانة ريهام حجاج، عن حزنها الشديد لوفاة الفنان مصطفى درويش، الذي رحل عن عالمنا صباح اليوم، عن عمر ناهز 43 عاما.
وكشفت حجاج، عن الحروب التي تعرض لها درويش، وذلك عبر منشور لها من خلال حسابها الرسمي على "فيسبوك"، قائلة: "مصطفي درويش من أكتر الناس اللي اتحاربت وياما اتكتب عليه واتقال كلام كتير يهدم أي حد.. مصطفي درويش كتير استكتروا عليه رزقه اللي ربنا كان باعتهوله وكعادة بعض الناس اللي شايفين إنهم لازم يقرروا مين يستحق الرزق ومين لاء شايلين من دماغهم إن ربنا بس إللي بيرزق".
وتابعت: "مصطفي اتكلم معايا في الموضوع دا لما قابلته مرة بعد دوره في بميت وش وكان حقيقي متأثر.. يا ريت تفهموا إن ربنا دايما ليه حكمة في كل حاجة وأهو مصطفي ربنا أفتكره وهو لسه صغير..
يا ريت تبطلوا تجرحوا في الناس و هما و انتم لسه عايشين عشان مش حاتقدر تتحمل وقفتك أدام اللي حرجته و هو مختصمك أدام ربنا.. مافيش حاجة في الدنيا مستاهلة".
