بعد هجوم زوجة هاني محروس عليه.. خالد الفايد: جابلي لبس مقطع.. وطردني في الشارع لما توبت

علق أحمد الفايد نجم برنامج ذا فويس، على هجوم زوجة المنتج هاني محروس، بعد تصريحاته الأخيرة التي كشفت عن أزمة بينه وبين مهندس الصوت الأخير فور إعلانه الاعتزال وهو ما يخالف العقد المبرة بينهما.

وكتب خالد الفايد عبر حسابه الرسمي على موقع "فيسبوك": "أولا أنا مرضيتش أذكر ديانات أبدا في الموضوع، ثانيا أنتي مراته وأكيد محموقه عليه وزعلانة، ثالثا البوستات اللي كان بيقولي امسحها كانت بوستات دينية وربنا شاهد لما كنت منزل بروفايل مكتوب فيه (محمد صلى الله عليه وسلم ) لقيته بيقولي مينفعش تنزل ده امسحه ودا غلط".

وتابع خالد الفايد: "رابعا أنا لما قلتله عاوز لبس علشان أنا فنان ومنظري لازم يكون كويس قالي حاضر، وجابلي كارتونة فيها لبس مهري وكوتشيات مقطعة، ولما زعلت راح مطلعلي ألف جنيه بيقولي خد اشتري لبس".

واستكمل خالد الفايد: "خامسا أنا مكنتش قاعد في بيته ولا حاجه دي شقة الشركة اللي أنا كنت ماضي فيها وطبيعي كان من حقي أقعد فيها، وهو لما أنا بطلت غناء طردني من الشقة، ومنع عني مصروفي وأنا كنت بايت ٣ أيام في الشارع وربنا شاهد على كلامي، ثم مين قال إني عايز العقد علشان أشتغل مع حد تاني؟ أنا لو عايز أنجح هيكون مع هاني محروس لأنه منتج شاطر وشركة تقيلة إنما أنا صدقت في توبتي لله عز وجل وأنا مش كداب زيكم ولا بعرف أكدب".

واختتم خالد الفايد، حديثه قائلا: "سبحان الله هاني واللي معاه مش عارفين يردوا عليا بعد ما وضحت كل حاجة، راحت مراته منزله بوست بتشكك في مصداقية توبتي، علشان الناس بتدعمني وعلشان أنتوا واقفين جمبي وعلشان أنتوا أهل حق مترضوش أبدا بالغلط، وهما طالعين يشوهوا سمعتي ويشككوا في توبتي".