شيرين عبد الوهاب تعلن شروط زواج ابنتيها.. هنا ومريم

كشفت الفنانة شيرين عبد الوهاب عن شروطها لزواج ابنتيها مريم وهنا، خلال لقاءها ببرنامج "كاربول كاريوكي بالعربي" مع هشام الهويش.

وقالت شيرين عبد الوهاب، "زي ما هخليها تراعي ربنا فيه هو كمان يراعي ربنا فيها، ميمدش إيده عليها أبدًا، ميهنهاش ميخوفهاش، يعاملها إنها بنته".

وأَضافت شيرين عبد الوهاب، "مش عيزاه ياخدها بعيد عني، عيزاهم يفضلوا جنبي، وجعتني أوي الفكرة، ماشي بس بشرط مياخدوها بعيد عني تقعد جنبي، والله العظيم ما أسيبها أبدًا، زي ما أخليها تراعي ربنا فيه، هو يراعي ربنا فيها".

وقالت شيرين عبد الوهاب: "دايما خناقاتي أنا وحسام تحصل يوم شغلي مسميني شوكليت".

وأشارت شيرين عبد الوهاب خلال حديثها عن الشهرة، قائلة: "أنا كنت مش جاهزة للشهرة وعلشان كده ممكن أخرف كتير، ودكتوري النفسي بيقول أنتِ عاملة زي مؤسسة كبيرة جدا يديرها فرد واحد"، وجاء ذلك خلال استضافتها مع الإعلامي هشام الهويش في  برنامج "كاربول كاريوكي بالعربي" المذاع عبر تليفزيون دبي.