هشام عاشور ردًا منتقديه: أنا ونيللي كنا عارفين إن ده هيحصل
كتب: عزة عبد الحميد
علق الفنان هشام عاشور على ما يتعرض له من انتقادات بسبب دخوله إلى عالم التمثيل، بسبب زوجته الفنانة نيللي كريم.
وقال هشام عاشور، في لقاء له ببرنامج et بالعربي، "قبل ما نتجوز نيللي قالتلي خلي بالك أنت ممثل تقيل بس فكرة إننا مع بعض هتحط عليك ضغط كبير، لأن الناس هتقارنك بيا واحنا عارفين القصة دي من الأول، ولكن لما الناس تشوف فيا ممثل بجد وبأثر بطريقة معينة هيبتدوا يفصلوني عن نيللي ويبصولي بطريقة تانية".
View this post on Instagram
وأضاف، " لو جيبت حد النهارده حطيته قدام مخرج ومنتج ومؤلف وتقوله ده هيمثل معاك، مهو دول مش هُبل، مفيش حد بيحط الفلوس دي كلها ولا بيغامر معاه نجوم كتير ويحط حد يبوظله اللعبة".
وعن دوره في مسلسل "روز وليلى"، الذي يشارك به مع زوجته نيللي كريم، قال، " دوري مش كبير أوي وهو جوز نيللي، مسلسل روز وليلى لذيذ جدًا وأعتقد الناس هتطلب منه جزء تاني وتالت واتصور بطريقة مختلفة واتعمل بطريقة مختلفة".
