أحمد عزمي: «مقدرتش أواجه الدنيا بعد مقتل أخي»
كتب: أحمد حسني
أكد الفنان أحمد عزمي إن فترة حبسه وما تبعها كانت من أصعب الفترات في حياته.
وقال أحمد عزمي خلال حواره مع الإعلامية ياسمين عز في برنامج "كلام الناس" المذاع على MBC مصر: "اللي خلاني مقدرش اواجه الدنيا هو مقتل اخويا بـ13 طعنة وكانت خناقة، فحسيت أن مصر مكنتش بتاعتي ورحت شرم الشيخ واشتريت شاليه".
وتابع "شرم الشيخ مجتمع متكون مش زي اللي عايشين فيه ودخلت في دوامة الكحول والشرب ودة بداية لأي مفسدة فمحدش يقول اصلي هشرب شوية بيرة"
وأضاف "وبسبب الانفصال مراتي طلبت الخلع وعندها حق لأنها قررت في الوقت ده تنقذ ابني، والحكاية زادت لغاية 2013 وحصلت الحادثة في 2012 و2013 اتحكم عليا"
كما تحدث عن وفاة والدته وقال أن والدته صدمت في وفاة شقيقه والصدمة الثانية كانت بسببه بعد ادمانه وسجنه.
شارك الفنان أحمد عزمي في عدد من الأعمال الفنية كان أبرزهم مسلسل "30 يوم" مع آسر ياسين وباسل الخياط، وفيلم الوعد مع آسر ياسين.
