لماذا غضبت السيدات في مصر من زفاف الأميرة رجوة؟
كتب: رحاب جمعة
حالة كبيرة من الجدل أثارتها الأميرة رجوة آل سيف زوجة ولي العهد الأردني الأمير الحسين بسبب إطلالاتها البسيطة في حفل زفافهما..تلك الحالة جعلت الفتيات والسيدات المصريات في حالة غضب من صور الزفاف.
"العاصمة" في هذا التقرير جمعت التعليقات التي تداولها رواد السوشيال ميديا والتي أظهرت سر غضب السيدات والفتيات في مصر من زفاف الأميرة رجوة.
بالرجوع لسبب الأزمة نجد أن الرجال المصريين قاموا بتداول صور لإطلالات الأميرة رجوة موجهين انتقاداتهم للمصريات بسبب كثرة الزينة في أفراحهم لدرجة أنهم قالوا: "الرقي والبساطة شيم الأميرات..كونوا مثل رجوة".
فيما قال أحد رواد الفيسبوك ويدعى أحمد صلاح: "أفراح الناس دى ماشاء الله مش زى عندنا فى مصر، فرح الأردن ناس محترمة وأم العروسة وأم العريس لبسهم عادى لا فيه بهرجة ولا ترتر ياريت يا مصريين تقلدوا دول زى ما بتقلدوا الحاجات التعبانة".
ووجه محمد محمود رسالة للفتيات قائلا: "رسالة للبنات اللي مقبلة علي الزواج ..ياريت تفهموا إن الميكب غلطة كبيرة
وإن الميكب بيغير الطبيعة اللي ربنا خلقها والطبيعة أجمل بكتير من الإضافات ..لبس محتشم مفيش عري مفيش تكليف ناس بسيطه وقار. أدب اخلاق .قيم تحضر . هكذا تعيش الملوك مفيش حد قافل الشوارع علشان الأمير يعدي هو وعروسته ناس بتحترم القيم والمبادئ".
تسببت تلك الكلمات في غضب الفتيات المصريات منوهين أن تلك الإطلالات البسيطة أسعارها خرافية وهو ما يعجز الرجال المصريين عليه.
فقالت أميرة أحمد: "طيب اللي بينتقدوا دول عارفين كم الفلوس اللي اتصرفت على إطلالات الأميرة رجوة ولا هما بيتكلموا وخلاص".
وقالت أخرى معلقة على إطلالات رجوة وشقيقات ولي العهد قائلة: "أهم لبسوا ترتر وبيبرق اهو زينا .. محدش احسن من حد".
وعلقت أخرى قائلة: "لابسة فستان من ديور وتاج ألماظ ويقولوا إطلالة مش مكلفة ..معلش هي لو هتتكلف هتلبس منين".
