محمد شاهين: «اشتغلت كوافير رجالي قبل الغناء»

كشف الفنان محمد شاهين، عن دور والده ووالدته في حياته، كما تحدث الفنان عن حياته قبل المشاركة في برنامج ستار أكاديمي.

وقال شاهين خلال لقاء له ببرنامج «كلام الناس» مع الإعلامية ياسمين عز: «الله يرحمه والدي كان من أطيب الناس اللي شوفتهم في حياتي، ووالدي ووالدتي كانوا شخصيات دمعتهم قريبة، وأثروا فيا بالحياة البسيطة اللي كنا عايشنها وكان تعبان عنده حساسية على الصدر»، مشيرا إلى أن والدته تحملت المسؤولية منذ صغرهم، وأتربينا على طبلية أبونا».

وأضاف شاهين: «ابتديت اشتغل من صغري وانا كان عندي 13 سنة، واشتغلت كوافير رجالي وأحمد أخويا بردوا شغال كدا وبردوا والدي، وكنت بجري وأروح أغني في الأفراح بليل، وكنت أروح المدرسة الضهر، وكانت جوايا طاقة وانبساط محسسش نفسي إني تعبان، وكنت أصلا كنت بعمل كل ده عشان الفرح بليل».

وتحدث شاهين عن سبب عدم زواجه حتى الآن، قائلا: لسه متجوزتش مجاش النصيب.. وفيه جواز صالونات بينجح أكتر من الجواز اللي بيكون عن حب".

وأضاف محمد شاهين: "أنا مع العقل في الجواز وبحكم بالعقل.. ومع مقولة الدكتور مصطفى محمود وهي إن الحب مش بيدوم".