مي فاروق: «مفيش حد طلبني في حفلات الأوبرا»

أكدت الفنانة مي فاروق، أنها اتخذت قرار استقالتها من دار الأوبرا المصرية، لكونها شعرت بتقييد الوظيفة لها، والتي بسببها لم تتلقى أى عروض للغناء بالحفلات.

وقالت مي فاروق: ومن عمر 8 سنين وأنا في دار الأوبرا، أنا بحب المكان ده واتربيت فيه، وقدمت استقالتي من دار الأوبرا المصرية.. وحاليا أنا مش موظفة دلوقتي، لأن كنت شايفة إن موظفة دي مقيداني في بعض الحاجات، ودلوقتي لو طلبوني في أي وقت أنا موجودة، وحسيت فكرة إني موظفة جوا المكان إني مضمونة طول الوقت، ومش واخدة القدر الكافي والمساحة اللي استحقها، وحبيت أرفع عنهم وعن نفسي الحرج.

وأضافت مي فاروق، خلال لقائها مع الإعلامية منى الشاذلي في برنامج "معكم"، المذاع عبر شاشة قناة CBC: أنها ليست مُقصرة في إقامة الحفلات، ولكنها لا تتلقى عروضًا من دار الأوبر لإقامة الحفلات، معقبة: أنا مبطلبش في حفلات داخل الأوبرا، الناس مفكرة إن أنا اللي مُقصرة وإحنا بقالنا سنة و6 شهور مفيش دعوة جاتلي علشان أعمل حفلة في الأوبرا، وده مش مزعلني، ونفسي أقول للناس إن مش أنا السبب، وفي جميع الأحوال ده بيتي وعمري ما هتبرأ منه وفي أي وقت أنا موجودة.