حازم إيهاب: «موت ابني غير فيا كتير»
كتب: نسرين إبراهيم
كشف الفنان حازم إيهاب، عن اللحظات الصعبة التي عاشها بعد فقدانه والدته وابنه، وكيف واجه مرض الأخير رغم علمه الشديد بخطورة حالته.
وقال «إيهاب»: «الفقدان غيّر فيا حاجات كتير وساعدني ألاقي مشاعر جوايا وإجابات لقيتها، واللي متأكد منه إن اللي بيحصل في حياتنا خير ولو دورنا على أحسن سيناريو في الحياة هيبقى هو ده رغم إن ده أصعب حاجة».
وأضاف: «كنت عارف إن ابني تعبان من قبل الولادة لكن صممت إني أكمل لإني كنت مقتنع إن مهما احنا عملنا هو مفيش أي دليل إن هو يفضل كده أو يخف واليقين إن كان في أمل».
وتابع :«:كان عندي مبدأ بقوله لمنة أنا مش عايز أدخل في صراع إني أسقطه وأقول لو كنت استنينا وربنا عمل معجزة وكان هيطاردني طول حياتي وكان هيبقى صراع هيطاردني ومكنتش هلاقي رد على السؤال ده وفكرة إني أكمل المشوار لآخره عشان كنت مسلم إيرادتي لربنا ومدخلش في قصة ماذا لو، ولو ربنا مقدرله حاجة هيشوفها».
وجاءت تصريحات الفنان حازم إيهاب، من خلال حلوله ضيفاَ على برنامج «الستات ميعرفوش يكدبوا»، الذي يذاع على شاشة cbc.
