محمد رمضان: طموحاتي كتيرة.. وقررت الغناء لما اطمنت على الممثل

أكد النجم محمد رمضان، أنه كان يتوقع أن يحقق كل ما وصل إليه من نجاحات غلى مدار سنوات طويلة، ولكن الأمر جاء سريعا لأنه كان لديه طموحات كثيرة.

وقال محمد رمضان في لقاء مع جيهان عبد الله، في حلقة خاصة من برنامج «أجمد 7» عبر «نجوم إف.إم»: “أنا اتولدت على إيد الجمهور عملت دور في إحكي يا شهرزاد وقدمت تسع مشاهد فقط في الفيلم، كبرت قدام جمهوري، محدش شافني فجأة النجم بطل المسلسلات، شافوني عملت مع منى زكي خمس مشاهد في السندريلا".

وأضاف: "ولما حسيت إني على قدم ثابت بدأت الخطوة الثانية وهي الغنا وكان بعد مسلسل الأسطورة، لما حسيت إني اطمنت على الممثل، وإنه وصل للمكانة اللي يتمناها”.

وأضاف محمد رمضان: “كنت متوقع يحصل بعد سنين أكتر، ولكن له حكمة وربنا يعلم اللي جوايا واني عندي طموحات كتير جدا، ولذلك بحس الحاجة بتحصل بدري علشان الحق الحق ابد في الخطوة اللي بعدها وبعدها، وفي الآخر بنموت وفي حاجات مقدرناش نعملها علشان الوقت والعمر،  وإحنا مش هنعيش الف سنة يعني”.