ميمي جمال متحدثه عن زوجها حسن مصطفى: «لم يكن له نزوات وطلاقنا كان لحاجة عبيطة»

كشفت الفنانة ميمى جمال، عن أسباب انفصالها عن زوجها الفنان الراحل حسن مصطفى، قبل عودتهما من جديد، مؤكدة أنه لم يكن له نزوات.

وقالت ميمي جمال: «حسن مصطفى لم يكن له نزوات ومكانش بيعمل حاجة غلط، وانا كنت بثق فيه، وكان حصل طلاق بينا بعد ٦ سنوات من الزواج بسبب حاجة عبيطة، ورجعنا لبعض بعد مدة بسيطة».

وأضافت: «حسن مصطفي عمل اكتر من ٢٠ حجة و٢٥ عمرة ولم يفوت فرض، ويسافر السعودية مرتين في السنة، وكنت مبسوطه طوال حياتى معاه، وبنته من زوجته الاولى، بقت زى بنتى على الرغم من انها في الاول كانت بتعاملنى وحش بسبب انها حاسه انى اخدت ابوها، لكن بعد ذلك مفيش فرق بينها وبين بناتى».

واستكملت خلال لقاءها مع الإعلامى دكتور عمرو الليثى بيرنامجه واحد من الناس على شاشة الحياة، قائلة: «اخر لحظات للفنان حسن مصطفى كنت بجواره في المستشفى، وقال لى شيلى ايدك من على خدك، هتحطيها كتير بعد كده اجمدى اللى جاي صعب، وحط دماغه على المخدة وراح، بعدله علشان ينام لاقيته مش بيرد، جريت على الاطباء، فقالو لى البقاء لله، والساعة كانت ٤ الفجر».

وتابعت: «لم ابلغ بناتى علشان ما اخضهمش وهما هيجوا بكره بدرى يعرفوا وفضلت بجواره اكلمه لحد الصبح.. واضافت انها كانت بتكلم الكرسي اللى كان بيقعد عليه وتحكي ليه بعد وفاته، وكنت بعد وفاته اعدى على غرفته اقوله تصبح على خير وكانه موجود، حسن كان ليه تواجد وكاريزما في البيت مفتقداها».