دنيا عبد العزيز لـ«العاصمة»: «محمد رمضان موهوب لكن بيستفز جمهوره»
كتب: رنا خالد
قالت الفنانة دنيا عبد العزيز: "محمد رمضان موهبة كبيرة ومشوفتوش ولا مرة من بعد جعفر العمدة، لكن بسمع عن النجاح الكبير اللي بيحققه".
جاء ذلك ردًا عن رأيها في النجم محمد رمضان، وتابعت دنيا عبد العزيز خلال ندوتها بجريدة العاصمة عن سر نجاح محمد رمضان: "سر نجاحه هو الإصرار، محمد رمضان عنده تركيز وإصرار رهيب ودايما مركز في شغله وعاوز يبقى أحسن".
وحول رأيها في الهجوم الذي يتعرض له النجم محمد رمضان قالت دنيا: <<محمد ساعات بيشطح ويعمل تصرفات تستفز الجمهور، سواء على المستوى الشخصي أو الفني، ولكن محمد كممثل ومن خلال مشاركتي معاه في أكتر من عمل وعلى المسرح كمان فهو موهوب جدًا، بعيدًا عن التريندات والحركات اللي هو بيعملها هو كويس".
