ميمي جمال: «اشتغلت وأنا عندي 5 سنين علشان أساعد أهلي»
كتب: شاهيناز خليفة
كشفت الفنانة ميمي جمال، عن عملها عقب وفاة والدها وهي في سن خمس سنوات لتساعد عائلتها.
وأوضحت ميمي، وذلك خلال لقائها مع الإعلامية منى الشاذلي في برنامج معكم على قناة Cbc، أنها مرت بمراحل صعبة في حياتها لعل أبرزها وفاة والدها وهي في سن خمس سنوات، قائلة: «اشتغلت وأنا صغيرة في التمثيل عشان أساعد ماديًا؛ لأن والدتي وجدتي يونانيات وستات بيوت بس، والحمد لله مرحلة وعدت واشتغلت فيها كويس».
وأضافت: «والدتى كان اسمها ستيلا، وهى وجدتى ربتنى أنا وأخويا وكمان والدتى هي اللى ربت أولادي، ولما كنت بعمل أدوار صغيرة، طلعت معايا».
وتابعت: «في فيلم عدو المرأة كنت عاملة دور مع نادية لطفى وكان المفروض بنعمل ندوة، فطلبوا منها تقعد في الندوة».
واستكملت حديثها: «بعمل الأدوار اللي تليق عليا وأنا راضية عن نفسي، والحمد لله كل الأدوار كان فيها توفيق من عند ربنا، وعملت اللى أقدر عليه».
اقرأ أيضًا: ميمي جمال: موت جوزي بعدني عن التمثيل 5 سنين
