محمد عبدالعظيم: «أول حب باعتني علشان عريس جاي من الخليج» (فيديو)

كشف الفنان محمد عبدالعظيم، عن العديد من أسرار حياته الخاصة ومنها تعرضه لصدمة عاطفية كبيرة من خلال أول قصة حب فى حياته، دفعته للخوف من السيدات.

وقال «عبدالعظيم» خلال حواره ببرنامج «الستات» عبر قناة «النهار»، اليوم الإثنين: «مكنتش هلاس، وكنت بقيت بخاف من الستات، بسبب تجربة مش كويسة في أول حياتي».

وعن الأسباب التي تجعل الرجل يعزف عن الحب والزواج، قال: « لو الست مش أصيلة يبقى بلاش لأن أهم حاجة إن الست إنها تكون أصيلة، لازم يكون في تقدير وشعور بالامتنان للحاجات اللي بقدمها مش علشان بمن عليك علشان يبان نبني سوا».

 وكشف عن تعرضه لصدمة عاطفية في بداية حياته، قائلا: «كانت قصة حب عنيفة أوي، لكن ضحت بيا عشان عريس جاي من الخليج معاه فلوس».

وأشار «عبدالعظيم» إلى أن بدأ عمله في المسرح «فني ديكور»، موضحًا أن هذا العمل أكسبه العديد من الخبرات في كل ما يتعلق بالمسرح «وكأنه كان تأهيل لما هو قادم»، قائلا: «كنت موظف وبدأت فني ديكور، وجيت بخبرة هواة مش طبيعية، وسمعت مرة كلمات مؤثرة من حديث للفنان محمد صبحي أثرت فيا، وقررت أإن أتعلم كلش شئ، وبالفعل اتعلمت وشوفت كل شئ من خلال مهنتي كموظف بالأوبرا، وكنت مجنون فن، وكأني جاي علشان يتم إعدادي لما هو قادم».