والدة ميرنا هشام غاضبة: «للبيوت أسرار وحسبي الله في كل ظالم»
كتب: شاهيناز خليفة
نشرت والدة المطربة ميرنا هشام، نجمة آراب أيدول، بوست جديد، تحدثت فيه عن شائعات انتحارها، محذرة من تداول هذه الشائعات.
وقالت والدة ميرنا عبر صفحتها الرسمية على الفيس بوك، قائلة: «والله يا جماعة ميرنا كويسة والحمد لله ولا يمكن تفكر مجرد التفكير في الانتحار، لأنها قريبة قوي من ربنا وقلبها أبيض».
وتابعت: «ولكن كل الناس الفترة الأخيرة بتمر بظروف والبيوت أسرار والموضوع أصلا ميستهلش كل ده، واللي بيشهر وبينقل كلام محصلش منه لله ربنا أقوى من الكل وحسبي الله ونعم الوكيل في كل ظالم».
وكانت ميرنا هشام خرجت في فيديو عبر صفحتها الرسمية على «فيس بوك»، قالت خلاله: «أنا عايزة أطمنكم أنا كويسة، ومنتحرتش وأي حد فعلاً عارفني عمره في حياته ما هيتخيل إني أعمل حاجة زي كده».
وأضافت: «لكن كل الحكاية إني تعبانة شوية بس مش لدرجة إني انتحر خالص، أنا بقيت أحسن ولو أنا مختفية بقالي فترة، فأنا بس تعبانه نفسيًا، وتعبي النفسي أثر عليا جسديًا جدًا زي أي حد ممكن يحصله حاجة زي كده».
اقرأ أيضًا: بعد تداول أنباء انتحارها.. ميرنا هشام ترد: «عمري ما أعمل كده.. ومش قادرة أرد على حد»
