هنيدي: نفسي أكتب فيلم عن «إمبابة» ومرعي البريمو كان جاري واتربيت معاه

حل الفنان محمد هنيدي أمس، ضيفًا على برنامج «ضيفي» مع معتز الدمرداش عبر قناة الشرق الفضائية، وخلال الحلقة كشف العديد من الأسرار عن حياته  الشخصية والعملية.

وقال هنيدي: «حي إمبابة شكل 85% من شخصيتي لأني مكنتش قاعد في البيت، كان ليا أصدقاء في كل مكان، وعشان كدا أنا نفسي أكتب فيلم عن الحي دا».

وأضاف «حتى في الشغل كان الحي له تأثير كبير، في فيلم همام في أمستردام وفترة وجود همام في مصر كل المشاهد تشبه الشارع اللي اتربيت فيه بالشخصيات، حتى اللهجة الصعيدية اللي بتقنها أنا عمري ما روحت الصعيد، البيت في إمبابة حواليه السوق وأنا كنت في الشارع طول الوقت ومعلمين الفاكهة بيحبوني وكنت أفضل أنادي في السوق معاهم على الخضار، وفي فيلمي الجديد «مرعي البريمو» بقدم شخصية تاجر البطيخ ودا شخص كان جاري واتربيت معاه».

وينتظر محمد هنيدي عرض فيلم "مرعي البريمو" خلال الأيام القادمة بدور العرض بعد غياب عامين عن السينما.