محمد صلاح العزب يشيد بأفلام «الزعيم».. ويؤكد: «العجلة بترجع إلى الخلف»
كتب: شاهيناز خليفة
عبر المؤلف محمد صلاح العزب، عن سعادته برؤية أفلام الزعيم عادل إمام مرة آخرى، متحسرًا على حال السينما في الأيام الحالية والتي وصفها بأنها «عجلة بترجع إلى الخلف».
ونشر محمد صلاح العزب، منشورًا عبر صفحته الرسمية على موقع التواصل الاجتماعي «الفيس بوك»، وكتب قائلا: «أنا اليومين دول بتفرج تاني بالترتيب على أفلام عادل إمام، وكل ما أتفرج على فيلم يا أخي أتحسر على حال السينما دلوقتي، وأبقى قادر أفهم هو ليه مفيش غير عادل إمام واحد».
وتابع: «بس الزعيم ربنا يديله طولة العمر والصحة والسعادة، مع كاريزمته المفرطة ونجوميته الكبيرة مكانش شغال لوحده زي نجوم الأيام دي.. كان في صناعة سينما كاملة حقيقية، ومبدعين كبار بنفس حجم عادل إمام نفسه في التأليف والإخراج والإنتاج والتصوير والمونتاج والديكور والموسيقى، واللي ميز عادل إمام وقتها هو دماغه واختياراته ووضوح هدفه قدامه».
واختتم حديثه، قائلا: «لكن دلوقتي إحنا مفتقدين كل ده، والممثل أو المؤلف أو المخرج اللي بيحاول يعمل حاجة هو بيتحرك بطوله، وفي كل مرة بيبدأ يخترع العجلة وللأسف العجلة بترجع إلى الخلف».
اقرأ أيضًا: رقص محمد رمضان والشيف بوراك على أنغام «رايحين نسهر» في حفله بتركيا
