سمية الخشاب: أغنية «الموجة جريئة وصورتها في البيت»
كتب: عزة عبد الحميد
كشفت الفنانة سمية الخشاب، عن تفاصيل أغنياتها الجديدة، "الموجة"، والتي تم طرحها منذ عدة أيام.
وأشارت سمية الخشاب لبرنامج، "ET بالعربي"، قائلة :" الأغنية جريئة وجميلة شبابية ولذيذة وخفيفة للصيف، وشيلنا كلمات وحطينا مكانها كلمات تانية، وهي مناسبة جدًا للوقت ده، وقالوا لازم تتصور فيديو كليب".
وأوضحت، قائلة :"أنا عملت دعاية وصورت في البيت بلبس غير بتاع الكليب، ومن بعد نص ساعة ما نزلت الفيديو على تيك توك لقيته بيعد مشاهدات وبقى 5 ملايين مشاهدة، وفي 3 أيام على مواقع التواصل الاجتماعي مشاهداته تخطت الـ 13 مليون وده رقم أنا مكنتش أحلم بيه الكليب لسه منزلش يا جماعة".
View this post on Instagram
وأضافت الخشاب، قائلة :"أنا سعيدة جدًا بنجاح أركب على الموجة، والنجاح كان غير متوقع في ساعات من نزولها، خاصة أن الأغنية نزلت في وقت صح في ظل الأجواء اللي إحنا فيها وانقطاع الكهرباء والناس اللي متعودة على التكييف، وإحنا صورنا الكليب في وقت صعب أوي وفي الغردقة ودرجة الحرارة فيه 40، وكل الفنادق كانت مليانة فكان صعب إننا نصور من غير ما الناس تبقى باصة على الكاميرا كنا بنعاني من ده".
واستكملت، سمية الخشاب حديثها قائلة، :"لكن الحمد لله المكان اللي صورنا فيه كان فيه ناس أجانب ورانا ومكنوش مركزين مع الكاميرا والحمد لله تفاعلوا أوي مع الأغنية وكانوا مبسوطين بيها".
