هدى هاني عن احتكار محمد صبحي لها: «مش حقيقي» (فيديو)

تحدثت الفنانة هدى هاني، عن حقيقة احتكار الفنان محمد صبحي لها، وذلك عقب مشاركتها مسلسل «يوميات ونيس» والتي حققت خلاله نجاحًا كبيرًا مع أبطال العمل.

وتحدثت هدى هاني خلال لقائها مع الإعلامية «إنجي هشام» في برنامج المنسي، عن حقيقة هذه الشائعة، قائلة: «أنا مش هدافع عن أستاذي لأن هو اللي علمني، لكن أكبر دليل أن الاحتكار ده مش حقيقي، أني عملت أكتر من ٢٠ مسلسل وكان ليا كذا محطة نجحت فيهم منهم العطار والسبع بنات، العائلة والناس مع المخرج محمد فاضل، العار مؤخرا».

وأضافت: «مش هتكلم عن عبير صلاح الدين واللي قالته عن أن محمد صبحي احتكرني فنيًا، لكن في نجوم كتير وسوبر ستارز كان محمد صبحي اللي حاطط حجر أساسهم واكتشفهم منهم منى زكي، هاني رمزي، مصطفى شعبان أسماء كبيرة وكتيرة».

وتابعت: «المشكلة أننا لما بنرتبط بأستاذ صبحي بيبقي ليه طريقة معينة هو ليه طريقته وبيئته، بيبقي صعب لما تخرجي تتأقلمي مع شكل اخر احنا مش بنبقي عارفين نتأقلم لكن هو عمره ما منع بالعكس أنا لما بيشوفلي عمل بيكلمني وبيقولي برافو عليكي إنما عمره ما قالي ايه اللي انتي عاملاه ده؟».

واختتمت: «هو مطلع كويس وبيشوف كل واحد فينا بيعمل ايه، لكن بيبقي غيور علينا وزي الأستاذ مع تلميذه مش عايزه يضل الطريق».

اقرأ أيضًا: طارق النهري يكشف لـ«العاصمة» تفاصيل مشاركته في «جعفر العمدة 2»