الرئيس السيسي: كورونا وحرب روسيا وأوكرانيا مكناش سبب فيهم
كتب: بسمة فرج
أضاف الرئيس عبد الفتاح السيسي، أنّ الدولة المصرية خلال السنوات القليلة الماضية تعرضت لأزمتين "أزمة كورونا".. وأزمة حرب روسيا وأوكرانيا، موضحًأ: "الازمتين دول مكناش سبب فيهم.. أزمة كورونا كان لها تأثير كبير على العالم.. احنا مش السبب فيها.. حتى الحرب الروسية.. واحنا ما أخدناش قرار ورطنا الدولة المصرية.. وبالتالي انعكاس ده القرار الصعب والخطير أو أي إجراء فيه عدم رشد من الدولة".
وأضاف الرئيس السيسي، خلال كلمته في لقاء مع أهالي مطروح: "احنا في أزمة وبنتكلم بمنتهي الوضوح.. والأزمة تحدي من ضمن تحديات.. زي تحدي الإرهاب من 2011 و2012.. والناس كانت بتقول الموضوع هيخلص ولا لا.. واستنزاف شباب مصر.. وحالة عدم الاستقرار.. وكنت بقول بفضل الله هيخلص.. وبالمناسبة فيه برنامج تطوير كبير لأهلنا في سيناء.. وده حق لهم وبتكلم علشان الرسالة توصل لهم".
واستكمل: الدولة لا تتحدث عن المشروعات الجديدة إلا بعد التأكد منها أنها تحقق الإفادة للمصريين، متابعا: "عاوز اقولكم على حاجة.. مش هتكلم في موضوعات زي دي لغاية ما تخلص.. بس مشروع زي الدلتا الجديدة هل بعيدة عن المحافظة هنا؟.. طب ممكن تشغل ناس وأشغال مختلفة.. تجارة وتاخد منتجات زراعية تروح للأشقاء في ليبيا.. ودي مشروعات على أطراف المحافظة.
أقرأ أيضاً...جامعة الأزهر تنعي طاهر الحامدي
