إصابة داليا البحيري وسقوطها على المسرح خلال عرض «سيدتي أنا».. (تفاصيل)

كشفت الفنانة داليا البحيري، عن إصابتها عقب سقوطها على المسرح أثناء عرض مسرحية «سيدتي الجميلة»، الأمر الذي أدى إلى دخولها للمستشفى لإجراء فحوصات طبية.

ونشرت داليا البحيري منشور لها عبر صفحتها الرسمية على «إنستجرام»، كاتبة: «حادثة صغيرة على ما قُسم كدة، اختل توازني على المسرح ووقعت واقعة جامدة حبيتين، نزلت بكل حملي على إيدي وحسيت برجة جامدة في دماغي، وجع رهيب إيدي ورمت».

وأضافت: «قلت بس أنا اتكسرت كملت العرض الحمد لله وطلعت على الطوارئ هوب إشاعة هوب الحمد لله مفيش كسر بس في مزق في وتر الإبهام أدى إلى أن العضمة اتحركت من مكانها يا ختي».

واستكملت: «فكل ده تمام وألف حمد وألف شكر إنها بتيجي على قد كده.. المشكلة بقى يا جماعة في إني اكتشفت إني مش عارفة اعمل أي حاجة بمعني أي حاجة من غير الصباع ده».

وتابعت: «لا عارفة البس ولا اقلع ولا افتح ازازة المايه مش عارفة اشيل حاجة مش عارفة افتح باب العربية ومش عارفة أسرح شعري ولا أغسل وشي ولا أي حاجة.. وكمان مش عارفة اعمل scroll مش عارفة اعمل like.. آه والله الـ Like بتوجعني جدا.. بس برضو الحمد لله دائمًا وأبدًا.. ما يقع إلا الشاطر».

اقرأ أيضًا: أزمة جديدة تواجه الشركة المنظمة لحفل عمرو دياب.. اعرف التفاصيل