صلاح: نعيش حالة جيدة مع الشعب المصري.. ونتمنى أن تستمر لأطول فترة

تحدث محمد صلاح، قائد منتخب مصر، عن استعدادات الفراعنة لمواجهة أنجولا في تصفيات كأس الأمم الأفريقية، مؤكدًا أن المنتخب يواصل البناء على ما قدمه الجهاز الفني خلال السنوات الثلاث الماضية.

وقال صلاح على هامش مران منتخب مصر: «إحنا بنكمل على اللي الجهاز الفني بناه خلال الثلاث سنين اللي فاتوا، والناس ماشية بشكل كويس».

وأضاف: «عاملين حالة كويسة مع الشعب المصري كله، وأتمنى ده يستمر لأطول فترة ممكنة».

وتابع قائد الفراعنة: «معانا لعيبة كويسة وعلى أعلى مستوى، وأنا دايمًا في ضهرهم، وإن شاء الله نعمل حاجة كويسة تشرفنا، ويكون اللعيبة فخورين بنفسهم وأهلهم فخورين بيهم».

واختتم محمد صلاح تصريحاته قائلًا: «إن شاء الله الفترة الجاية تكون كويسة وتكون أحسن من اللي فات».